http://www.almusa3ed.com/show.php?op=nomusic&id=13

الشاعر :: فهد المساعد

(( يا صغير ))

ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعني ولاحاجه
رح جعل ربي يوفقك ويوفقني
من بعد ماكنت نور العمر وسراجه
اليوم صرت الظلام اللي يطوقني
عطيتك أكثر من اللي كنت تحتاجه
أسرفت فالحب لين الحب وهقني
خلاص مالي ومال الحب وإزعاجه
مالي ومال الدروب اللي تضايقني
تعبت أضم البحر وأهدي أمواجه
تعبت أجامل وأشوف الوقت يسرقني
شكواي لله عليه الضيق وإفراجه
اللي إذا شاء يرحمني ويرزقني
أماأنت يابو جبين عقّد حجاجه
لاعاد تسأل علامك ماأنت طايقني
الناس كل(ن)على دربه ومنهاجه
وأنا عن الناس مابه شي يفرقني
إلا أني دايم أحب الصدق وأواجه
مخلوق والله على هالوضع خالقني
حتى رفيقي ضماد القلب وعلاجه
على كثر ماتمسك فيه صدقني
لوأدري إنه مرافقني على حاجه
لاأمسكه حاجته وأقول فارقني
.
.
خــالــص مــودتــي مــن قــلبــي الــنــابـــض