 |  |  |  |
 | |||
 | |||
 | |||
| |
|
| أعلانــــــــــــــــات | |||||||||||
|
|
 |
|  |
| |||||||
| التسجيل | الأسئلة الشائعة | العضوات | التقويم | البحث | مواضيع اليوم | تعليم الأقسام كمقروءة |
 |  |
 |
| | LinkBack | خيارات الموضوع | طريقة العرض |
| |
| |
 02-07-2008, 06:18 م | #1 (permalink) |
| تمنيت أن اكون شاعره واسبح مع الشعراء في بحورهم ... أو اديبه واغوص داخل نفوس البشر واكشف عن همومهم... لكن الشكوى لله وحده فأنا لست شاعرة ولا اديبة... لكن سأكتب باسلوبي وان شاء الله تفهموني... سأكتب عن موضوع دائما" يشغلني ... يبعث حالة اكتئاب في نفسي ... ************** تبدأ القصة عندي مع كروت الافراح والدعوات ... في صبيحة يوم السعد والهنا على العريس والعروسه ... تجتمع الوالده بنا حول الطاوله المستديره>>مثل اجتماع الامم المتحده لكن الفرق اننا نلتزم بالمواثيق والاتفاقيات ونحترمها ونعمل فيها أو يمكن انا اعمل فيها... وتبدأ تتكلم معنا عن اصحاب الفرح وتعطينا نبذه عن سيرة حياتهم... وعن سيرة حياة العريس والعروسه بشكل موسع... ويأتي هنا اهم مرحله من الجلسه مرحلة من سترافقني الى الزواج >>>آآآآآآآآآ هـ هـ هـ هنا يبدأ الجدال بيني وبين اخواتي >>الكل مايبغى يروح وتبدأ كل وحده منهم تعتذر من أمي انا مو فاضيه انا عيال مايتركوني >>كل وحده عندها حق الفيتو ،،، والشكوى لله اهم اهم واااااااااااااااى وتوقع على راسي الروحه ... [عزيزي الزائر يتوجب عليك التسجيل للمشاهدة الرابطللتسجيل اضغط هنا] يدخل الليل وانا باقي من هول الموقف مو مستوعبه ... تدخل علي امي ... انت ايش فيك الى الان مالبستي ..قومي البسي وهنا افوق واطالع يوووووووووووووووووه ...وتبدأ حالة استنفار بالبيت ... الدواليب اقلبها فوق تحت افضيها من الملابس ... ادور فستان ادور اكسسوار ادور مكياج وين الاستشوار وين و......و......و.....>>ياكثر الواو تعبت منها كل اخواتي يجرون معي لو اطلب منهم لبن العصفور في تلك اللحظة ما يغلى علي ... حتى اختي الحامل تجيب روبها تقول البسيه في الفرح>>>لا بس حبيت اسوي اكشن اهم شي وانا اجري واطير وانقز لحد ما يكمل البرستيج واخلص واتهندم واتزبط >>خلال كل تلك الحوسه والوالده منتهيه ومتكشخه وقاعده في الصاله تنتظرني وزياده على كذا لابسه عبايتها ...وتتقهوى [عزيزي الزائر يتوجب عليك التسجيل للمشاهدة الرابطللتسجيل اضغط هنا] ركبنا السيارة ...وطبعا" رايحين للقاعه.. دخلنا القاعه وطبعا" اهل العريس يستقبلون الضيوف نسلم عليهم ويرحبون فينا ..>>مو اختراع شي طبيعي وارسم ابتسامة فرحه بالمناسبه السعيدة... مبروك الف مبروك عقبال البقية (احيانا" يكون اخر العنقود بس مشوشه) >>وهذا ضروره من ضروريات الافرح .. وطبعا" الهديه لازم نعطي ام العريس وام العروس لا تزعل علينا نعطيها بعد ،،،، نوقف شوي ندرس المكان وين الطاوله الي تكشف على كل القاعه لازم تكون طاوله في مكان استراتيجي >>بعيد عن المكيف و مكبرات الصوت وفي نفس الوقت مطله على الكوشه ,,,,عشان الزفه.... !!! ونختار طاوله ونجلس عليها... [عزيزي الزائر يتوجب عليك التسجيل للمشاهدة الرابطللتسجيل اضغط هنا] يبدأ الضيوف بالتوافد على الفرح ناس نعرفهم وناس ما نعرفهم ... المهم اللي نعرفهم يجون يسلمون ويقعدون خمس دقايق معنا و نتبادل فيها المعلومات >>والله لو حرب .. وطبعا" الطقاقه لابد من تواجدها >>من راح يحي الفرح امممم و يبدأ الدق والرقص وانا ابغى اضيع وقت فمره اسمع لامي مع خالاتي تسولف و مره اقعد اتفرج على البنات يرقصون ..>>والله هذي ترقص حلو ما شاء الله متى لحقت تتعلم !!... يوووه هذي ماتعرف ترقص ليتها تقعد وتريح نفسها <<< هز هز هز و خلاص و وحده مع كل دقه ومع كل اغنيه تقوم ترقص صراحه هذي نشيطه مره ما شاء الله عليها >>منها تنحف و منها توجّب ... ومسكينه هذي رقصتها مو جايه على الدقه شكل عندها مشاكل بالسمع ...>>> ليتها تروح المستشفى وتكشف... >>>><هذا كله اهرج مع نفسي> الوالده تدقني بكوعها مرة و تغمز لي بعينها مراااااااااااااات قومي ارقصي... و انا احاول اصلح اني مو منتبهه واحيانا" مو فاهمه عليها...لكن ما يمشي على الوالده هالحركااااات ترى هي مخترعتها وتقوم تقول لي ترى في زواج اخوك ما قصروا رقصوا معنا...>>والله لو دين ولازم انا اسدده. .ياناس ياعالم لاترقصون في افراحنا لاني انسانه من مبادئي لا للديون ... !!! .... المهم اقول لها ما اعرف ارقص والله بطلع مسخره و راح تخلد رقصتي في ذاكرة الحضور تحت عنوان رقصة المووووت >> رقصة العنكبوت اللي كانت ترقصها اذا تبغى تقضي على فريستها .. ارجعوا تابعوا كرتون بشار و راح تفهموني ...ترى يعتبر اشهر نحله في العالم...الى الان ما عرفتوه ارجعوا لمنتدى الانيمي في منتديات ثانيه وان شاء الله تحصلون صورته و على ذا المنوال انا وامي الين الفجر... [عزيزي الزائر يتوجب عليك التسجيل للمشاهدة الرابطللتسجيل اضغط هنا] بعدين يفتحوا صالة العشا للضيوف الساعه 4 صباحا">>هذا صار فطور .... المهم الكل يختفي من الصاله وكأن ما كان في القاعه جنس بشر >>العالم جوعااااااااااااانه الله لايلومهم .... وانا وامي رايحين لصالة العشا و اول ما ندخل >>>ووااااوو وين العشا ..؟ الصحون ممسوحه،،،، لا بالعكس مغسوله ،،، واي واي ...كأن واحد غسلها بعلبة فيري .... مافي غير فواكه ... مجبر اخاك لابطل،،، اخذ تفاحه وامي تاخذ لها موزة ...نجت من القصف على حبة برتقاله ... ونقعد ناكلها ...ونحمد الله ونشكره على الوجبه ...ونغسل يدينا >>أكيد مو محتاج غسيل لكن ...!!!.. نضحك على نفسنا يعني اننا أكلنا والسلام [عزيزي الزائر يتوجب عليك التسجيل للمشاهدة الرابطللتسجيل اضغط هنا] وبعد العشااء مادري الفطوور ...ام العريس تنادي... ياحريم تغطّوا العريس يبغى ينزف نطلع عبايتنا ونلبسها وتبدأ الزفه >> تاخذ نص ساعه بدون العريس وساعه مع العريس .. وطبعا" يقعدون يناظرون بعض يتبسمون لبعض و يحمرون و يزرقون >>وانا خلاص مليت ابغى انط على الجسر واسحبهم للكوشه واخلص انت و ياها خلونا نفتك ... و الوالدة احر ما عندي ابرد ما عندها ... لازم تنهي الزفه تدرون ليش >>لان اغلب الافراح تكون الوالده يا خالة العريس ولا عمت العروس... فأكيد لازم تسلم عليهم وتبارك لهم .. خارج الموضوع ،،،همسه في اذن من يريدون الزواج!!! لا تتزوج فتاةعدد افراد عائلتها يتجاوزون العشرة بالام والاب طبعا"...>>>السر...عيالك راح تتعب نفسيتهم عند حضور افراحهم لانها ماراح تنتهي.. [عزيزي الزائر يتوجب عليك التسجيل للمشاهدة الرابطللتسجيل اضغط هنا] المهم ينتهي الزواج وادق على السواق .. مسكين نايم ...>>ما له خلق يرد علينا ..الله لا يلومه اذا انا تعبانه وطفشانه .... بس يرد علينا و نفسه خايسه ،،،،ويقول:كمسة دقيقه ... و يتكرم يجي و ياخذنا و يمشي باسرع ما يمكن يخاف النوم يطير ... واحنا خارجين نشوف>>> قصدي نلمح( من السرعةالله يستر ) المصلين خارجين من صلاة الفجر ... والله حاااله ... نرجع البيت نصلي الفجر ....وننااام ************* طبعاً هذي قصة مزجت فيها بين الخيال و الواقع ... لكن مرت علينا باسلوب قد يكون مغاير أو شبيه...بشكل او باخر ولكن ارتفاع صوت المؤذن معلنا عن صلاة الفجر حقيقه للاسف ... ،،،،،بقلمي ،،،، ودمتم في حفظ الرحمن ورعايته | |
|
آخر تعديل بواسطة fofo fifi ، 03-13-2008 الساعة 03:44 م. | |
 |
| | |
| |
| |
| |
><8><سري للغايه ،،،عرس حريم ><8>< 
