نصايح
تعالو يابنات تعالو عشان تعرفوا انا بحبكوا قد ايه
تعالو موضوع كميل اوى



*ازاي تخلي خطيبك يحبك وميقدرش يستغني عنك ابدا وبالتالي الجوازة تتم ومتبقيش عانس*
>أولا : الولد بيحب البنت الرقيقة


رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . وعيطى كتير . العياط دليل على الاحساس المرهف . أوائى له .. نكدى عليه الليلة .


>ثانيا الولد بيحب البنت الرومانسية


اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة


>ثالثا : الولد بيحب البنت ال style


كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه . عوزاكى تعنسى ياعبيطه


>رابعا :الولد بيحب البنت الدلوعة


ادلعى ياختى انت و هى .... متبقيش انت وهو واحد يعنى


>خامسا : الولد بيحب البنت الجذابه اللى بتكون محور اهتمام الآخرين


فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .


>سادسا: الولد بيحب البنت اللى بتحسسه برجولته و تحسسه بنفسه


ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه . وفاكر ان هو حاجه وهو ولا حاجه


>سابعا : اتمحكى فيه ( الزقي له )خليكى دايما معاه


>كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . (مايشفيش وحش يعنى )




>النتيجة : لو الولد وقع فى دباديبك و قال عاوز يرتبط بيكى ويتجوزك بعد عنااء من فتره الخطوبه : اوعى تقولى ايوه ! لااااا .. اتقلى شوية . اعملى نفسك يتفكرى فى حكايه الجواز وبس وكأنك ماكنتيش تعرفى ان الخطوبه لابد من جوااز وراهاا وانتى ياحراام قال يعنى مش عاوزه .. سهريه .. لوعيه .. بهدليه .. لكن ماتتقليش العيار ليطير منك .


ولو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه ياحلوه (معليش تعيشى وتأخدى غيرهاا ومافيش اكتر من الرجاله ).

يا تري هتعملي بالنصيحه
منتظر ردكم