درسنا اليوم ما يختلف كثير عن الدرس السابق

بس بهذا الدرس راح نوظف الأشكال

اللي موجودة بالفوتوشوب

وهذي أيقونتها

بهالدرس راح نستخدم أي شكل جاهز إحنا حبينه ونضيف له السكرابز : )
وهنا يمكنك تحميل اللي تبين من السكرابز على هذا الرابط
تحميل السكرابز
المهم نجي للشرح

مثل ما سوينا بالدرس الأول

نقوم بفتح عمل جديد وبمقاس مناسب
وخلفية شفافة

ثم نضغط على أيقونة الشكل
ونختار من الأشكال الموجوده الشكل المناسب

وبعد الضغط على الشكل نتوجه لمساحة العمل راح نلاحظ إن السهم تغير شكله
وصار بشكل +

نرسم الشكل

وللحصول على شكل بأبعاده الثابته نضغط على مفتاح shift من لوحة المفاتيح وإحنا نرسم الشكل


ونستخدم أي لون عادي

ونسوي للشكل اللي عندنا strok
نضغط دبل كليك على لير القلب وراح تطلع عندنا الخصائص
وآخر شي راح نحصل الstrok
ونختار لون مناسب وحجم 3 بسكل



بعدها راح نفتح خلفية من السكرابز اللي قررنا نستخدمه

ونصغرها مثل ما عرفنا من Image size

ونسحبها لداخل العمل ونحطها بنص الشكل

ونسوي لها ctrl+g عشان تكون على القلب بس

وبعدها نفتح خلفية ثانية وبعد ما نصغرها ونسحبها لداخل العمل

نحطها بالنص من الجهة الثانية ونسوي لها ctrl + g

وهذا الشكل النهائي لهم


بمعنى إن احنا نختار شكل ونضيف له خلفيتين

وعلى حسب الشكل اللي عندنا ممكن نخليه يمين ويسار
أو فوق وتحت
أو حتى بشكل مائل

على راحتكم

ألحين نضيف أي صورة عندنا بالسكرابز تساعد على ربط الخلفيتين مع بعض

وفي كثير من ملفات السكرابز فيها صور ربط

وفي ملفات سكرابز لصور الربط فقط

نقدر نستخدم أي شي

وهذا الشكل اللي استخدمته بعد ما صغرته وقصيت الزايد منه

ونحطه في مكان الربط