برياني الربيان بالطريقة الكويتية .... لعيون الغالية ام مروان

ام بنان · 05-01-2008, 12:33 ص

برياني الربيان

المقادير على حسب عدد الأشخاص ..

الطريقة:

اول شي انقشر الربيان ونشيل الخيط الأسود وانقعه بعصير الليمون وبهارات .

بعدين نكون طابخين ماي ونحط فيه بهارات عدله (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).

ونحط الربيان ونخليه لما يستوي .

بعدها نسوي حمستنا وهي عبارة عن :

نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)

وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .

وبعد ما استوى الربيان نضيفه للحمسة .

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ونضيف بعدها كزبرة مفرومة

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

طبعا نكون مسوين عيش مشخول وهم حاطين بالماي بهارات عدلة

الحين نحط دهن اشويه بالجدر ونخليه يصير حااااااااار وبعدين نحط طبقة عيش

وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>> سر النكهة

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

نرد نحط طبقة من العيش وفوقه حمسة الربيان والزبدة والبصل والبقدونس والنعناع.

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر .. وممكن نظيف صبغه

تعطي لون بعد مع الزعفران

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد

بصل مقرمش مقلي بالزيت او ممكن نضيف كشمش بعد ..

وهذا شكله النهائي

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

يقدم مع الدقوس

وطريقته وايد سهلة

معجون طماط+ماي+ملح+ثوم مدقوق تخلطين المكونات وتخلينه لما يغلي .