الرسائل الخاصة: غير مقروء 1, الإجمالي 1

wateen · 05-03-2008, 08:37 ص

السلام عليكم ورحمة الله وبركاته
كيفكم أعضائنا الأعزاء إن شاء لله بخير
وإن شاء الله مبسوطين ومالكن مالين بهالصيفية المملة

حابة اليوم أضع بين أيديك موضوع
كتبتو للتجربة وللتمهيد إلى مواضيع أهم منو

ووهو عن الرسائل الخاصة إلي بتصلنا تحت الهوا
وبعيدا عن أعين المشاهدين

شلون بالله مو موضوع مهم ....
بس الأهم إنو كل واحد يحكي تجربتو
بدون ذكر أسماء ... أيوااااااا
لتجنب الإحراج والمشاكل قدر المستطاع

مو الله يرضى عليكن ....
يلا بدينا .....

شو بيكون شعورك لما بتشوف لديك رسالة جديدة؟؟

هل بتفرح وبيطق عقلك؟؟

أم عادي ومابتفرق معك؟؟:

وهل أنت من الأشخاص إلي كل يوم بتلقو شي خمس رسائل؟؟

أم أنك من الأشخاص إلي من السنة للسنة لينبعتلن شي رسالة؟؟

وهل حدث مرة ووصلتك رسالة إعجاب من شي معجب أو من معجبة؟؟

وشو كانت ردة فعلك؟؟

وهل شي مرة تلقيت رسالة أزعجتك؟؟

وكيف كان تصرفك مع صاحب الرسالة؟؟

أم أنك لا تتلقى إلا رسائل إلي فيهم إيميلات ؟؟ للتعرف؟؟

أم أنك من النوع الأسوء ...

اللذين لا يتلقون إلا رسائل من الإدارة والمشرفين

المليئة بالنصائح والمواعظ والحكم؟؟:

تحياتي للكل
وكلي أمل إني شوف عدد المشاركات أكتر من عدد المشاهدات
حتى أتشجع وصير أكتبلكن مواضيع حلوة ....... هااااهااااااااااااا

من تأليفي وليس منقول

claude · 05-04-2008, 02:03 ص

مرحبااااااااااااااااااااااا wateen

حبيبتي موضوعك حلو و عجبني كتير و انا رح جاوب عالرسائل
بشكل عام يعني مو بس ضمن المنتدى
بالبداية كنت طير من الفرح بس لاقي في رسالة ببريدي
بس هلق الموضوع صار عادي جداااااا
و يوميا بستلم اكتر من 12 رسالة هي اقل شي
و طبعا تلقيت رسائل اعجاب بس للاسف معظمها من الشباب
و طبعا حذفتها بس كمان استلمت رسائل اعجاب من بنات كتير
محترمين و حلوين متلكم
و تلقيت تقريبا حوالي 5 رسائل مزعجة و كل ما قمت به هو عدم الاجابة
و حذف الرسالة مباشرة ( و لكن لا اخفي بان النار تغلي داخلي و لكن اكتمها
حتى لا تكون سبب للاخد و العطا)
و تلقيت ايضا رسائل فيها ايميلات للتعرف او الاصح للتسلاية و الحكي لي بلا طعمة

بالنهاية شكرا للموضوع الحلو متلك و اسفة للاطالة

و ان شاء الله ما كون فهمت موضوعك غلط لانو اذا قصدك بس
ضمن المنتدى فالاجوبة بتختلف