اليوم ... استيقضنا على فاجعه .... ارجوا الدخول..؟؟

ام بنان · 01-09-2007, 12:28 ص

بسم الله الرحمن الرحيم

اليوم الاثنين 8/ 1 / 2007
القصه حقيقيه ....
قعدت الصبح وكعادتي اقرا الجريده .... اذهلني الخبر .....

< خادمه تنحر طفل بالسابعه >
راح اروي القصه بطريقتي العاميه ..... تبدا القصه بعائله كويتيه مكونه من الاب والام وثلاث اولاد

وبنت .... شاءت الاقدار واطلبوا خدامه من شرق اسيا ... صارلها عندهم 7 شهور فقط ....

الام حريصه على بيتها والاولاد ... من باب النصيحه .. تطلب من الخادمه بعد عمل اليوم السباحه

( تستحمى ) ... هذا الطلب ازعج الخادمه ... مع تكراره ....

في يوم اسألت الخادمه احدى الخدامات الموجوده عند احد الاقارب .... ( انت ماما يقول سبح ) ..

ردت الخدامه الاخرى .. لا

ثارت الخادمه ... وقالت حق الاخرى لازم انتقم من ماما ... شنو يحب كتير انا ياخذ ...

يوم الاثنين ... مع صلاة المغرب دخلت الام تتوضى ... وراح الاب لانتظار ابنه بالسيارة لذهاب للمسجد

تخيلوا شنو صار .... لحظات ... والله انها ثواني ...

اخذت الخادمه سكين من المطبخ وراحت غرفة الطفل الصغير .. دلوعة وحبيب امه ( سالم ) ... وانحرته

اقطعت الراس ( ياااااالله .... يارب ساعد الام وصبرها ) ...

بدخول الابن المنتظر ان يخرج مع ابوه لصلاة ... ( كان بينادي سالم يصلي معاهم ..) .. واطعنته بجسمه

مرتين وطاح في الارض ... الله كتبله عمر ( بس اهي تعتقد مات ) ...

اطلعت من الغرفه ... شافتها البنت ... اطعنت البنت طعنه .. وهي تستنجد بابوها ... خافت الخادمه اقطعت

شريان ايدها بس ماماتت ... راحت فوق سطح البيت تخيلوا الدور الثالث ورمت بنفسها وطاحت على ..

الملحق ... وماماتت ... رمت نفسها من الملحق واغمى عليها .... وهى الحين بالعنايه المركزه ....

راح سالم ونجوا اخوانه ..... الله يرحمك ويعطي اهلك الصبر الكبير على هذا البلاء ....

رساله منى انا شخصيا ....

النظافه اتعوض .... واللقمه اتعوض ... بس العيال واااااااااالله مايتعوضون ....

لا تدخلون ناس غرب ببيتكم .. ناس اعرافها وعاداتها جهل واجرام ؟؟؟

خافي على عيالك ... نسقي وقتك ... بس الغرب لايدخلون بيتك ..... واكيد اللي صار قدر ومكتوب على

سالم واهله .....