حدوتــه .. من حواديت ستي ...

كان يا ما كان

في قديم الزمان

وما يحلى الكلام إلا بذكر النبي عليه الصلاة والسلام
{ عليه الصلاة والسلام }

كان فيه ناس طيبين .. عايشين فى أمان الله
بيضحكوا .. ويفرحوا .. ويعبدوا ربنا .. ويقولوا الحمد لله

يقولوا إيه ؟؟؟

الحمد لله

كان فيه جارة ليهم .. مكارة .. وغيارة .. بتحقد عليهم

كل ما تشوفهم بيضحكوا .. تتغاظ .. وتغير ..

وتقول .. هم بيضحكوا ليه وأنا زعلانة ؟

هم فرحانين ليه .. وأنا غضبانة ؟؟

أنا لازم أوقع بينهم .. لازم أخليهم زعلانين وغضبانين ....

راحت عندهم .. ولبست هدوم جديدة .. وقالت لهم :

أنتم ليه مش لابسين هدوم جديدة ؟ ... أنا باشترى كل يوم حاجات جديدة

انتوا ليه بتاكلوا كل يوم نفس الاكل .؟ ... انا لازم كل يوم آكل اكلة شكل

أنتو ليه بتناموا كلكم في أودة واحده ؟ احنا بننام كل واحد فى اودة

انتم عيشتكم .. يا حراااام ... صعبة جدا

يا عينى الناس الطيبين .. زعلوا .. ليه بيناموا فى اودة واحده

ليه بيلبسوا نفس الهدوم وبياكلوا نفس الاكل كل يوم ...

وبعد شوية ..

بعد شوية ..

لقوا نفسهم جعانين

وبردانين

قاموا جابوا الاكل واكلوا

وجابوا الغطاء واتغطوا

وعرفوا ان جارتهم .. كانت عاوزة تزعلهم

قالوا الحمد لله الذي أنعم علينا بكل هذا الفضل

وحمدوا الله .. وعاشوا في تبات ونبات

وتوتة توتة ... خلصت الحدوته

تسلم بق ستك أم رتيبه

حتوته حلووه أوي

سلميلي على ستك اوي وقوليلها ماتحرمناش من حواديتها

( ان شاء الله اكون ضبطت اللهجه المصريه خخخخخخخ)

يا سلام يا سلام

دى حدوتة الست ام رتيبة

مش بقولك يا قمر

كلامك كله حكم

ويا رب الكل يستفيد من الحدوتة الحلوة دى

السلام عليكم ورحمة الله وبركاته
بارك الله فيك ام رتيبة
حدوته جميلة جدااااااااااااااااااااااااااا
و مفهومة جداااااااااااااااااااااااااااااا و معانيها كبيرة اوى

دى حدوته قبل النوم

تشربي وراها عصير موز باللبن وتنامي على طووول

ربنا يخليكي

تسلمى أم رتيبة على هذه الحدوتة

يارب اكفينا شر الناس

وابعدهم عنننا


ربنا يحفظك